Jeremija

4 „Ađahar phenela o Jehova, o Komandanti upro sa o vojske, e Izraeleso Devel, sa e zarobljenikonenđe kola ando Jerusalim legarđa ko zarobljeništvo ko Vavilon: 5 ’Gradinen ćhera hem živinen ano lende. Sadinen bašte hem han olengo rod. 6 Ženinen tumen hem nek tumare romnja bijanena muršen hem ćhajen. Ženinen tumare ćhaven hem den ko rom tumare ćhajen, nek hem on ovena len murša hem ćhaja. Oven but uduri, a na hari. 7 Trudinen tumen te ovel mir ki diz ki koja ćhivđum tumen te oven zarobljenikija hem molinen tumen e Jehovase olaće, sose ako koro late ka ovel mir, hem tumen ka živinen ko mir. 10 „Ađahar phenela o Jehova: ’Ked ka nakhel 70 berš ko Vavilon, ka obratinav pažnja upro tumende hem ka ispuninav o obećanje kova dinđum tumenđe hem ka irinav tumen ko akava than.‘ 11 „’Sose me šukar đanava so mangava tumenđe‘, phenela o Jehova. ’Mangava te ovel tumen mir, a na pharipe, te ovel tumen šuži budućnost hem nada. 12 Tumen ka vićinen man, ka aven koro mande hem ka molinen tumen maje, a me ka šunav tumen.‘