Postanak

15 Palo odova, o Jehova phenđa e Avramese ki jekh vizija: „Ma dara, Avram. Me ka arakhav tut. Ti nagrada ka ovel but bari.“ 2 O Avram odgovorinđa: „Jehova, tu kova hijan Najbaro, so ka de man ked nane man ćhave hem ked sa so isi man ka dobini o manuš ando Damask, o Elijezer?“ 3 O Avram pana phenđa: „Na dinđan man ćhaven hem odolese mo naslednik ka ovel jekh ando me sluge.“ 4 A o Jehova phenđa lese: „Na ka nasledini tut odova manuš, nego to ćhavo ka nasledini tut.“ 5 Tegani o Jehova ikalđa le avrijal hem phenđa lese: „Molinava tut, dikh o nebo hem đen e ćerenjen ako šaj te đene len.“ Palo odova phenđa: „Odobor ka ovel toklo potomstvo.“ 6 O Avram verujinđa e Jehovase hem sebepi odova ov dikhlja le sar pravedno. 15 A tu ka mere ko mir hem ka ove parumo ko hor phuripe. 16 I štarto generacija ando te potomkija ka irini pe akate, sose pana na alo o vreme o Amorejcija te oven kaznime sebepi pe grehija.“ 18 Odova dive o Jehova ćerđa savez e Avrahameja hem phenđa: „Te ćhavenđe ka dav akija phuv, andi reka Egipat pa sa đi ki bari reka Eufrat: