Jestira

5 Ki tvrđava Susan hine jekh Judejco kova vićinđa pe Mardohej, e Jaireso ćhavo, o ćhavo ando Simej, o ćhavo ando Kis, kotar Venijamineso pleme, 7 Ov brininđa pe andi Adasa, i Jestira, koja hine olese kakosi ćhaj, sose na hine la ni dad ni daj. I ćhaj hine but šuži. Ked mulo olako dad hem olaki daj, o Mardohej prihvatinđa la sar pe ćhaja. 9 I ćhaj but sviđinđa pe e Igajese hem hine la oleso poštovanje. Ov sigate ćerđa te anel pe laće sa so valjani te šužjaćeri pe hem te ovel la o odgovarajućo habe. Dinđa la hem efta birime ćhajen ando kraljeso dvoro. Ola hem e ćhajen kola služinđe olaće, ćhivđa ko najšukar deo ando ćher kova hine e romnjenđe. 10 I Jestira na pominđa ni pe narodo ni pe porodica, sose o Mardohej phenđa laće te na vaćeri nikase odolestar. 15 Ked alo o redo te đal ko kraljo, i Jestira, i ćhaj ando Mardohejeso kako o Avihail, kola o Mardohej prihvatinđa sar pe ćhaja, oj na rodinđa ništa osim okova so phenđa laće e kraljeso sluga o Igaj, kova arakhlja e romnjen. (Sa odova vreme o manuša kola dikhlje la, sa pobuter poštujinđe la.) 17 O kralj zamanglja e Jestira pobuter ando sa avera đuvlja hem ov poštujinđa la hem manglja la pobuter ando sa avera ćhaja. Ko šero ćhivđa laće o kraljevsko turban hem ćhivđa la te ovel kraljica umesto i Astina.