Matej

3 Ko odova vreme, o Jovan Krstitelj počminđa te propovedini ki Judejsko pustinja. 2 Vaćerđa: „Pokajinen tumen, sose o nebesko Kraljevstvo tano paše.“ 3 Olestar vaćerđa o prorok Isaija ked phenđa: „Neko vićini ki pustinja: ’Pripreminen o drumo e Jehovase! Ćeren o staze te oven ravna!‘ “ 4 O Jovan akharđa šeja ando kamilake bala hem ko struko akharđa kožno pojas. Halja skakavcija hem divljo avđin. 5 Koro leste avena hine o manuša ando Jerusalim, kotar celo Judeja hem kotar celo područje okolo Jordan. 6 Ov krstinđa len ki reka Jordan, a on phravde priznajinđe pe grehija. 7 Ked dikhlja so but fariseija hem sadukeija avena ko than kaj krstinđa e manušen, phenđa lenđe: „Tumen so hijen ćhave ando otrovna sapa! Ko phenđa tumenđe te našen andi Devlesi holi koja avela? 8 Najangleder mothoven tumare deloncar so pokajinđen tumen. 9 Ma vaćeren ano tumende: ’Amaro dad tano o Avraham. Sose phenava tumenđe so o Devel šaj hem ando akala bara te ćerel ćhaven e Avrahamese. 10 O tover tano spremno te ćhinel o kašta ando koreno. Svako kaš kova na anela šukar plod ka ćhinel pe hem ka fordel pe ki jag. 13 Tegani o Isus alo andi Galileja ko Jordan, te krstini le o Jovan. 14 Ama, o Jovan manglja te ćhinavi le, vaćerindoj: „Tu valjani man te krstine, a na me tut!“ 15 O Isus phenđa lese: „Akana nek ovel ađahar, sose ko asavko način ka ispunina sa odova so o Devel rodela.“ Tegani o Jovan složinđa pe te krstini le. 16 Ked krstinđa pe, o Isus odmah ikljilo ando pani. Hem o nebesija phravdilje hem o Jovan dikhlja sar e Devleso duho huljela sar golubi hem avela upro Isus. 17 A kotar nebo šundilo o glaso kova phenđa: „Akava tano mo manglo Ćhavo, kova tano pali mi volja.“