Jezekilj

34 Palem alo maje e Jehovaso lafi: 2 „Manušikane ćhaveja, prorokujin protiv o izraelska pastirija. Prorokujin hem phen odole pastirenđe: ’Ađahar phenela o Svevišnjo Gospod Jehova: „Teško e izraelsko pastirenđe, kola brininena pe pese! Zar na valjani o pastirija te brininen pe ando stado? 11 Ađahar phenela o Svevišnji Gospod Jehova: „Aće, me kokri ka rodav me bakren hem ka brininav man olendar.“ 12 Ka brininav man ando me bakre sar o pastiri kova arakhlja pe našalde bakren hem parvari len. Ka spasinav len ando sa o thana kaj našaldilje ko dive ked o oblakija hem i bari tomnina ućharđe i phuv. 16 „Ka rodav okolen kola našaldilje, ka irinav okolen kola durilje, ka paćarav okolen kola tane povredime hem ka zorjaćerav okolen kola tane slaba. A okolen kola tane šukar parvarde hem zorale ka uništinav, ka sudinav lenđe hem ka kazninav len.“ 23 Ka ćhivav lenđe jekhe pastire kova ka brinini pe olendar, me sluga e Davide. Ov ka vodini len ko polje te parvari len hem ka ovel olengo pastiri. 24 Me, o Jehova, ka ovav olengo Devel, a mo sluga o David ka ovel poglavari maškaro olende. Me, o Jehova, ađahar phenđum. 25 „’„Ka ćerav olencar savez ando mir hem andi phuv ka cidav sa o opasna zverija. On bizi dar ka živinen ki pustinja hem ka soven ko šume.