2. Kraljevima

22 O Josija hine le ofto berš ked ulo kralj. Vladinđa 31 berš ko Jerusalim. Olesi daj vićinđa pe Jedida hem hine e Adajesi ćhaj ando Voskat. 2 Ov ćerđa sa okova soj tano ispravno anglo Jehovase jaćha, hem sa ćerđa sar po rođako o David, na đelo ko pogrešno drumo. 3 Dešuoftoto berš andi pi vladavina, o kralj Josija bićhalđa ko Jehovaso ćher pe pisare e Safane, e Azalijase ćhave, e Mesulamese unuko, hem phenđa lese: 4 „Đa ko prvosveštenik o Helkija. Nek lel ov sa o pare kola anđe ko Jehovaso ćher, kola o vratarija ćedinđe ando narodo. 5 Nek den pe o pare e manušenđe kola tane ćhivde te nadgledinen i buti ko Jehovaso ćher, a on nek den len e radnikonenđe ko Jehovaso ćher, kola valjani te popravinen sa o buća ko ćher, 13 Đan hem pućen e Jehova maje, e manušenđe hem celona Judaće. Pućen aso okova so pisini ki akija knjiga koja arakhlje, sose o Jehova but holjanđa upro amende sose amare paradada na šunđe o lafija andi akija knjiga niti ćerđe okova so ano late pisini amenđe. 18 A e kraljese andi Juda, kova bićhalđa tumen te pućen e Jehova, vaćeren: „Ađahar phenela o Jehova, e Izraeleso Devel, aso lafija kola šunđan: 19 ’Sebepi so celone vileja prihvatinđan me opomene hem ponizinđan tut anglo Jehova ked šunđan so vaćerđum protiv akava than hem o manuša akate – so o prokletstvo ka arakhi len hem o manuša ka daran sebepi olengo – hem odolese so pharavđan te šeja hem runđan anglo mande, me šunđum ti molitva‘, phenela o Jehova. 20 ’Odolese ka ove parumo uzo te paradada hem ko mir ka ove ćhivdo ko grobo. Te jaćha na ka dikhen o pharipe kova ka anav ko akava than.‘ “ ‘ “ On javinđe e kraljese odova odgovor.