2. Petrova

10 Odolese, phraljaljen, den sa tumendar te aćhon verna maškaro okola kas o Devel vićinđa hem birinđa, sose ako ađahar ćerena niked na ka peren. 11 U stvari, ađahar ka ovel tumen baro blagoslov te khuven ko večno Kraljevstvo ando amaro Gospod hem Spasitelj o Isus Hrist. 12 Odolese uvek ka podsetinav tumen ko odova, iako već đanena hem utvrdime hijen ko ćaćipe kova prihvatinđen. 13 Ama sa đi hijum ko akava telo, mislinava soj tano šukar hem ponodri te setinćerav tumen te šaj te aćhon đangavde, 19 Ađahar hem o proročansko lafi kova isi amen pana pobuter uverini amen, hem šukar ćerena so pazinena upro leste sar upri svetiljka koja svetlini ki tomina, ko tumaro vilo, đi na phravđola o dive hem na pojavini pe i zvezda danica. 20 Sigurno đanena so nijekh proročanstvo ando Pismo na avela ando nekaso lično razmislibe. 21 Sose o proročanstvo niked na hine vaćerdo ando manuša, nego o manuša vaćerđe o lafija kola alje ando Devel, sar o sveti duh legarđa len.