Psalam

4 Sose e Jehovaso lafi tano ćaćutno hem sebepi sa odova so ćerela šaj te ovel amen poverenje upro leste. 5 Ov mangela i pravednost hem i pravda. I phuv tani pherdi e Jehovase verno mangipaja. 6 E Jehovase lafeja hine ćerde o nebesa, hem e dahoja ando oleso muj hine ćerdo sa so isi koro lende. 10 O Jehova ćhinavi e manušenge lošna planija, hem ćhinavi len te ćeren odova so mangena. 12 Bahtalo tano o narodo kaso Devel tano o Jehova, o narodo kole ov birinđa te pripadini samo olese. 18 E Jehovase jaćha tane upro okola so darana olestar, upro okola so osloninena pe ko oleso verno mangipe, 19 te bi ikali len ando meribe hem te bi arakhi len ko životi ko vreme ando bokhalipe. 20 Amen ađićeraja ko Jehova, ov tano amaro pomoćnik hem amaro štit. 21 Amaro vilo radujini pe sebepi oleso, sose uzdajina amen ko oleso sveto anav. 22 Jehova, nek to verno mangipe ovela amencar đi ađićeraja upro tute.