Isaija

43 Akana ađahar phenela o Jehova, to Stvoritelj, Jakov, okova kova ćerđa tut, Izrael: „Ma dara, sose me spasinđum tut. Vićinđum tut ko anav. Maje pripadineja. 2 Ked nakheja kotar panja, me ka ovav tuvaja. Ked nakheja kotar reke, on na ka poplavinen tut. Ked nakheja kotar jag, na ka thabljove hem o plameno na ka tharel tut. 4 Odolese so tu hijan vredno ko me jaćha, me ceninava tut hem mangava tut. Ko to than ka dav e manušen, e narodon ko than te đivdipase. 9 Nek sa o narodija ćedena pe ko jekh than, nek ćeden pe o narodija. Ko ando olenge devela šaj te phenel odova? Šaj li te javinen amenđe so pana hari ka ovel? Nek anen pe svedokonen te mothoven soj tane u pravu, ili nek šunen len odola svedokija, pa nek phenen: ’Ađahar tano.‘ “ 10 „Tumen hijen me svedokija“, phenela o Jehova, „hem mo sluga kole birinđum, te bi đanena hem te bi verujinena maje hem te bi haljona so me hijum isto okova. Angleder mande na hine ćerdo nijekh aver devel, hem palo mande na hine nijekh. 11 Me, me hijum o Jehova, osim mande nane spasitelj.“ 12 „Me mothovđum, spasinđum hem vaćerđum, ked maškaro tumende na hine nijekh hovavno devel. Odolese tumen hijen me svedokija“, phenela o Jehova, „a me hijum o Devel.