2. Korinćanima

4 Odolese so isi amen akija služba sebepi o milosrđe kova tano amenđe mothovdo, amen na daja amen. 2 Amen ćhinavđam te ćera o buća so ćerena pe garavindoj, kolendar valjani te lađa, nikas na prevarinaja, na irinaja e Devleso lafi, nego odoleja so vaćeraja o ćaćipe, amen anglo Devel daja šukar primer svakone manušese. 4 e nevernikonđe kase o devel akale svetoso korjaćerđa i godi, te našti te resel đi olende i svetlost andi slava kotar i šukar vest ando Hrist kova tano e Devlesi slika. 7 Ama odova barvalipe isi amen ko phuvjale ćare, te dikhel pe so amari but bari snaga avela ando Devel, a na amendar. 8 Kotar sa o strane isi amen nevolje, ama na peravena amen. Na đanaja so te ćera, ama na hijam bizo izlaz. 9 Progonime hijam, ama na hijam kokri. Peravena amen, ama na uništinena amen. 16 Odolese na odustajinaja. Umesto odova, ako amaro manuš avrijal raspadini pe, okova andral obnovini pe ando dive ko dive. 17 Sose amaro trenutno hem lokho pharipe anela amenđe sa pobari, večno slava, 18 Amen na dikhaja ko odova so dićhola, nego ko odova so na dićhola. Sose odova so dićhola tano privremeno, a odova so na dićhola tano večno.