1. Korinćanima

8 A ked vaćeraja ando habe kova tano žrtvujimo e idolenđe, đanaja so odolestar sare isi amen đandipe. Ama o đandipe ćerela e manuše ponosno, a o mangipe izgradini. 3 Ako neko mangela e Devle, ole o Devel penđari. 4 A ked vaćeraja ando odova te hal pe odova soj tano dindo sar žrtva e idolenđe, đanaja so o idoli nane ćaće devel nego so postojini samo jekh Devel. 5 Odolese so isi but kola phenena soj tane devela, ja ko nebo ja ki phuv, sose isi but „devela “ hem but „gospodija“, 6 amenđe postojini jekh Devel, o Dad, kova sa stvorinđa hem kase amen živinaja, hem jekh Gospod, o Isus Hrist, prekalo kaste tano sa stvorimo hem prekalo kaste amen živinaja. 7 Ama odova na đanena sare. Disave, kola angleder služinđe e idolenđe, ki hrana dikhena sar diso soj tano žrtvujimo e idolenđe, hem ađahar meljaćerena pi savest, sose tani slabo. 9 Ama pazinen sebepi tumaro pravo te birinen te na spotakninen pe okola soj tane slaba.