1. Korinćanima

7 A bi mangava sare te oven sar me. Ama svako isi le po dar ando Devel, jekh asavko, a aver esavko. 10 Okolenđe kola tane ko brak dava zapovest, koja na avela mandar nego ando Gospod, i romni te na razdvojini pe kotar po rom. 11 Ama ako ipak razdvojini pe, te na lel pese rome palem, ili neka pomirini pe pekle romeja. Isto ađahar, hem o rom te na mukhel pe romnja. 12 A averenđe phenava me, a na o Gospod: Ako jekh phral isi le romni koja na verujini ko Gospod, hem oj mangela te živini oleja, ma te mukhel la. 13 Isto ađahar, ako i romni isi la rom kova na verujini ko Gospod hem ov mangela te živini olaja, ma te mukhel le. 28 Ama ako hem khuveja ko brako, na ćereja greh. Hem ako okova kova niked na hine ko brako, khuvela ko brako, na ćerela greh. Ama asavke ka ovel len neve problemija ko životi. A me na mangava ađahar tumenđe te ovel. 29 Akava mangava te phenav tumenđe, phraljalen: hari vreme aćhilo. Kotar akana okola kola isi len romni nek oven sar okola kola nane len romni; 31 hem okola kola koristinena o sveto, sar te na koristinen le potpuno, sose menini pe i scena ando akava sveto. 32 A me bi mangava te na brininen tumen. O manuš kova nane ženimo brinini pe asi Gospodesi buti, sose mangela te ćerel le bahtalo. 33 O ženimo manuš brinini pe e bućenđe ando sveto, sar te ugodini pe romnjaće, 36 Ako neko mislini so našti te savladini pe hem soj tano olese pošukar te khuvel ko brako, posebno ako više nane but terno, tegani nek ćerel odova so mangela, na grešini. Asavke nek khuven ko brako. 38 Odolese, okova kova khuvela ko brako, šukar ćerela, ama okova kova na khuvela ko brako, pana pošukar ćerela. 39 I romni tani phanli pe romeja sa đi tano ov đivdo. Ama ako merela olako rom, slobodno tani te lel kas mangela, ama samo ko Gospod.