Postanak

18 Palo odova o Jehova pojavinđa pe e Avrahamese ko bare kašta ki Mamrija, đi ov ko najbaro tatipe bešlja ko ulaz ando šatori. 9 Tegani pućlje le: „Kaj tani ti romni i Sara?“ A ov phenđa: „Ko šatori.“ 10 A jekh olendar phenđa: „Đi berše, ko akava vreme, palem ka avav koro tute hem ti romni i Sara ka ovel la ćhavo.“ A i Sara šunđa odova đi hine ko šatori kova hine palo leso dumo. 11 O Avraham hem i Sara hine ko phure berša. I Sara više na nadinđa pe so ka oven la ćhave. 12 Odolese asandilji ano peste hem phenđa: „Da li akana ked phuriljum hem ked phurilo mo gospodari ka osetinav odija radost?“ 13 Tegani o Jehova phenđa e Avrahamese: „Sose i Sara asandilji hem phenđa: ’Da li akana ked phuriljum ka bijanav ćhave?‘ 14 Da li tano e Jehovase diso nemoguće? Đi berše palem ka avav koro tute ko akava vreme hem i Sara ka ovel la ćhavo.“ 15 Ama i Sara phenđa: „Na asandiljum!“, sose darandilji. A ov phenđa laće: „Ja, asandiljan.“ 20 Palo odova, o Jehova phenđa: „Šunava so o manuša žalinena pe upro Sodom hem upri Gomora hem olenge grehija tane but bare. 21 Ka huljav tele te dikhav da li tano ćaće odova so šunava olendar. Ako nane ađahar, ka đanav.“ 22 Tegani okola manuša pođinđe othar premalo Sodom, a o Jehova aćhilo e Avrahameja. 23 Tegani o Avraham alo uzo leste hem phenđa lese: „Da li ćaće ka mudare e pravedniko zajedno e lošnoneja? 25 Tu niked na bi ćereja odova te mudare e pravedniko zajedno e lošnoneja, hem e pravednikose te ovel isto sar e lošnonese! Tu niked na bi ćereja odova! Nane li o Sudija andi celo phuv te ćerel okova soj tano pravedno?“ 30 Ama o Avraham nastavinđa: „Molinava tut, Jehova, mukh man te phenav pana diso, ma holjan sebepi odova. Šaj uduri ka arakhen pe 30  pravednikija.“ A o Devel odgovorinđa: „Na ka ćerav odova ako uduri arakhava 30.“