Matej

8 A tumen ma dozvolinen te vićinen tumen učiteljija, sose jekh tano tumaro Učitelj, a tumen sare hijen phralja. 9 Hem nikas ki phuv ma vićinen mo dad, sose jekh tano tumaro Dad, kova tano ko nebo. 10 Ma dozvolinen ni te vićinen tumen vođe, sose jekh tano tumaro Vođa – o Hrist 11 A o najbaro maškaro tumende nek ovel tumenđe sluga. 12 Ko uzvisini pe, ka ovel ponizimo, a koj tano ponizno ka ovel uzvisimo. 23 „Teško tumenđe, tumen kola penđarena o Zakon hem o fariseja, sose hijen licemerna, dena desetak andi nana, ando kopar hem ando kim, a na mothovđen odova soj tano premalo Zakon považno: i pravda, o milosrđe hem i vernost. Akava prvo valjanđa te ćerel pe, a akava dujto na valjanđa te ćhivel pe ki strana. 28 Ađahar hem tumen e manušenđe avrijal dićhona pravedna, a andral hijen dujmujale hem pherde lošnipaja. 37 „Jerusalim, Jerusalim, tu kova mudareja e prorokonen hem kova mudareja barencar okolen kola hine tuće bićhalde! Kobor putija mangljum te ćedav te ćhaven, sar so i khani ćedela pe pilićken talo pe phakha! Ama tumen odova na mangljen. 38 Odolese, o Devel ka mukhel tumaro ćher.