2. Samuilova

4 Palo disavo vreme, jekh manuš alo gosto ko jekh barvalo manuš. E barvale manušese hine žao te lel pestar jekhe bakre ja jekhe guruve hem te spremini diso e manušese kova alo koro leste. Odolese lelja e bakre ando ćororo manuš hem spreminđa habe odole manušese. 5 Tegani o David but holjanđa upro odova manuš hem phenđa e Natanese: „Dava sovel upro đivdo Devel, o Jehova, odova manuš zaslužini te merel! 6 Sebepi so na hine milosrdno, nek platini aso odova bakro štar putija pobuter!“ 7 Tegani o Natan phenđa e Davidese: „Tu hijan odova manuš! Ađahar phenela o Jehova, e Izraeleso Devel: ’Me ćhivđum tut te ove kralj ko Izrael hem me ikalđum tut ando Saulese vasta. 9 Tegani, sose na šunđan e Jehova hem sose ćerđan odova soj tano lošno anglo olese jaćha? Mudarđan e Urija, e Hetejine. Mudarđan le mačeja ando Amoncija, a olese romnja leljan la tuće. 13 Tegani o David phenđa e Natanese: „Grešinđum e Jehovase.“ O Natan phenđa e Davidese: „O Jehova oprostinđa to greh. Na ka mere.