Danilo

25 Ka ćedel sa pi snaga hem pi hrabrost, hem ka đal protiv o kralj ando jug bare vojskaja. A o kralj ando jug ka spremini pe aso maribe hem ka ćedel but bari hem moćno vojska. Ama, ov na ka aćhol, sose ka ćeren pe spletke protiv oleste. 26 Hem okola so hana šužo habe kotar oleso astali ka anen le đi propast. A olesi vojska ka ovel porazimi hem but ka oven mudarde. 27 „O solduj kraljija ko po vilo ka mislinen sar te čeren lošnipe hem on ka bešen ko jekh astali hem ka vaćeren hovajba jekh jekhese. Ama ništa na ka uspinen sose o kraj ka avel ko vreme kova tano odredimo. 28 Ov ka irini pe ki pi phuv bare barvalipaja hem oleso vilo ka ovel protiv o sveto savez. Ka ovel uspešno ko odova so ka ćerel hem ka irini pe ki pi phuv. 30 sose protiv oleste ka ušten o kitimska brodija hem ka ovel ponizimo. „Ov ka irini pe hem ka mothovi pi holi upro sveto savez hem ka ovel uspešno ko odova so ka ćerel. Ka irini pe hem ka ovel okolencar kola mukhena o sveto savez. 31 Hem ka uštel i vojska koja ov bićhali, hem ka meljaćeri o svetilište, to jest i tvrđava, hem ka ćhinavi te den pe o žrtve kola valjani te den pe svako dive. „Hem ka ćhiven i gadost koja pustošini. 34 A đi isi len pharipa, ka dobinen tikni pomoć hem but manuša licemerno ka aven te oven olencar. 37 Ov na ka marini aso pe dadengo Devel. Na ka marini ni asi želja ando romnja niti aso disavo aver devel, nego ka vazdel pes upreder o sa. 38 Umesto odova, ka slavini e devle ando tvrđave. E Devle kas olese dada na đanđe, ka slavini zlatoja, srebroja, drago barencar hem avere dragocena bućencar. 40 „Ko vreme ando krajo, o kralj ando jug ka borini pe oleja, hem ka napadini le o kralj ando sever e kočijencar hem e konjanikonencar hem bute brodonencar. Hem ka khuvel ko phuvja hem ka nakhel prekalo lende sar poplava. 41 Ka khuvel hem ki phuv koja vićini pe Šužipe hem but phuvja ka peren. Ama, akala ka uspinen te našen olestar: o Edom, o Moav hem o najvažna manuša kotar Amoncija. 44 Ama, ka uznemirinen le vestija ando istok hem ando sever, hem ka ikljol bare holjaja hem ka uništini buten. 45 Ov ka ćhivel pe kraljevska šatorija maškaro baro more hem i sveto gora Šužipe. Ama ka avel lese o kraj hem na ka ovel niko ko ka pomožini lese.