Jezekilj

2 „Manušikane ćhaveja, irin to muj premalo Gog andi phuv Magog, e najbare poglavarese ko Meseh hem ko Tuval, hem prorokujin protiv oleste. 3 Vaćer ađahar: ’Aće so phenela o Svevišnjo Gospod Jehova: „Ka borinav man protiv tute, Gog, kova hijan vrhovno poglavari ando Meseh hem ando Tuval. 9 Ka ave upro lende sar oluja hem ka ućhare i phuv sar oblako, tu hem sa te čete hem but narodija kola tane tuvaja.“ ‘ 11 Ka phene: „Ka uštav upri phuv kuri tane o gava bizi zaštita. Ka napadinav okolen kola živinena mirno hem bizi dar, kola živinena ko thana bizo zaštitna zidija, udara hem prevornice.“ 12 Ka ćere odova te bi ćedeja baro plen hem te ćore but buća, te napadine o thana kuri ništa na hine a akana tane palem pherde hem o narodo kova tano ćedimo ando avera narodija, o narodo kova ćedinđa barvalipe hem but buća hem kova živini ko maškar ki phuv. 16 Ka napadine me narodo, o Izrael, sar ked o oblakija ućharena i phuv. Ko poslednja dive ka anav tut te napadine mi phuv, te bi o narodija penđarena man ked anglo olenge jaćha upro tute, Gog, ka mothovav kobor hijum sveto.“ ‘ 18 ’Odova dive, odova dive ked o Gog napadini i izraelsko phuv‘, phenela o Svevišnjo Gospod Jehova, ’but ka holjanav. 23 Ka mothovav mi moć hem so hijum sveto Devel hem ka mothovav man anglo bute manušenge jaćha, hem tegani ka priznajinen so me hijum o Jehova.‘