1. Timoteju
4 ov tano ponosno hem na haljola ništa. Asavko manuš tano opsednuto odoleja te svađini pe hem te raspravini pe sebepi o lafija. Odova anela đi i zavist, đi o sukobija, đi i kleveta, đi o sumnje, 5 đi odova uvek te prepirini pe sebepi o tikne buća ko kola upustinena pe o manuša kola isi len rumimi godi, kola više na haljona o ćaćipe hem kola mislinena so i odanost premalo Devel ka anel lenđe korist. 6 Šaj te ova sigurna, okova soj tano verno e Devlese hem zadovoljno odoleja so isi le, ka ovel le bare blagoslovija. 7 Sose ništa na anđam ko akava sveto hem ništa na ka legara olestar. 8 Odolese, ked isi amen so te ha, so te urava hem kaj te živina, te ova zadovoljna odoleja. 9 Okola kola mangena te barvaljoven perena ko iskušenja hem ko zamke hem ko but nerazumna hem lošna želje, kola igarena e manušen ko uništenje hem ki propast. 10 Sose o mangipe premalo pare tano koren ando svako lošnipe hem sebepi odova mangipe disave aćhavđe e Devle hem anđe pese but dukha. 11 A tu, slugo e Devleso, naš ando odova. De sa tutar te mothove pravednost, odanost premalo Devel, vera, mangipe, istrajnost hem blagost. 12 Borin tut ki šukar borba asi vera, osvojin o večno životi ko kova hijan vićimo hem aso kova dinđan šukar svedočanstvo anglo but svedokija. 15 Odova bahtalo hem moćno Vladari ka mothovi pe ked ka avel o vreme aso odova. Ov tano Kralj upro kraljija hem Gospodari upro gospodarija, 16 jedino kova isi le besmrtnost, kova tano ki svetlost kuri našti te resel pe, kole na dikhlja nijekh manuš niti šaj te dikhel le. Olese te ovel čast hem večno moć. Amin. 17 Okolenđe kola tane ko akava sveto barvale zapovedin te na vazden pe hem te na uzdajinen pe ko barvalipe kova sigate našalđola, nego upro Devel, kova pherdo dela amen sa ko so uživinaja. 18 Sikav len te ćeren odova soj tano šukar, te oven barvale ko odova te ćeren šukaripe averenđe, te oven phravde vastese hem te oven spremna te delinen averencar odova so isi len. 19 Ađahar ka ćeden pese barvalipe soj tano šukar temelji asi budućnost, te šaj te dobinen o ćaćutno životi. 20 Timotej, arakh odova soj tano tuće dindo, hem cide tut kotar beskorisna razgovorija kola meljaćerena odova soj tano sveto hem andi protivrečna ideje kola avena ando hovavno đandipe.