Luka

6 Tegani phenđa lenđe akava poređenje: „Jekh manuš ko po vinograd hine le jekh sadimi smokva. Alo te dikhel da li isi la plodija, ama ništa na arakhlja. 7 Hem phenđa e vinogradarese: ’Aće već trin berš avava te dikhav da li i smokva isi la plodija, ama ništa na arakhljum. Ćhin la! Sose samo te astari than?‘ 8 Ov ko odova phenđa lese: ’Gospodare, mukh la pana jekh berš, te šaj te hanav uzo late hem te ćhivav laće đubrivo. 9 Šaj palo odova ka ovel la plodija. A ako na ka ovel la, ćhin la.‘ “ 12 Ked o Isus dikhlja la, phenđa laće: „Oslobodimi hijan ando to nabormipe.“ 13 Palo odova ćhivđa pe vasta upro late, a oj odmah ispravinđa pe hem počminđa te slavini e Devle. 18 Palo odova phenđa: „Sovaja tano slično e Devleso Kraljevstvo? Sovaja te uporedinav le? 19 Šaj te uporedini pe jekhe zrnoja andi gorušica kova o manuš sadinđa ki pi bašta. Ov barilo hem ulo kaš hem o ćiriklja ćerđe pese gnezdija ko olese grane.“ 20 Palem phenđa: „Sovaja te uporedinav e Devleso Kraljevstvo? 21 Šaj te uporedini pe e kvascoja kova i romni mešinđa ko 10 kile varo hem ađahar celo humer ušljilo.“ 22 Đi đelo ko Jerusalim, nakhlja kotar dizja hem gava hem sikavđa e manušen. 24 „Den sa tumendar te khuven ko usko udar, sose phenava tumenđe, but ka roden te khuven, ama na ka šaj.