Jeremija

3 O običaja kola o manuša ićerena hić nane korisna. Ando obično kaš kova ćhinela pe ki šuma, o zanatlija pe alateja ćerela pese idoli. 7 Ko te na daral tutar, tu so hijan Kralj upro sa o narodija, sose tu odova zaslužineja! Sose maškaro sa o mudra manuša ando narodija hem ko sa olenge kraljevstvija nane nijekh sar tute. 10 Ama o Jehova tano ćaćutno Devel. Ov tano đivdo Devel hem večno Kralj. Kotar olesi holi i phuv ka tresini pe, o narodija na ka aćhon angli olesi holi. 12 Ov koristinđa pi sila te ćerel i phuv, pi mudrost te ćerel i phuv te ovel stabilno hem po razum te phravel o nebo. 23 Jehova, me šukar đanava so e manušeso drumo nane ki olesi vlast. O manuš našti te upravini ni pe korakonencar.