2. Samuilova

14 Tegani o David phenđa aso sa pe sluge kola hine oleja ko Jerusalim: „Hajde te naša akatar, sose ako na ćeraja odova na ka spasina amen ando Avesalom! Siđaren, te na astari amen hem te na pobedini amen hem pe mačeja te na mudari sarinen ki diz!“ 21 Ama, o Itaj phenđa e kraljese: „Dava sovel anglo Jehova, anglo đivdo Devel, hem anglo tute, mo gospodar hem kralj! Kuri god ka ovel o kralj, mo gospodar, bilo te ćerel pe ando životi ili ando meribe, odothe ka ovel hem to sluga!“ 27 O kralj palo odova phenđa e sveštenikose e Sadokese: „Na hijan li tu videlac? Irin tut ko mir ki diz e Avijatareja hem le tuvaja te ćhave e Ahimase hem e Avijatarese ćhave e Jonatane. 28 Aće, me ka ađićerav uzi reka Jordan kuri tano o pani plitko ko pusto than đi na bićhalena e glasniko te anel maje disave vestija. 29 Ađahar o Sadok hem o Avijatar irinđe o kovčeg ando ćaćutno Devel ko Jerusalim hem uduri aćhilje.