1. Timoteju

3 Ćaće tano akava so phenava: Ako neko mangela te služini sar nadglednik, but šukar služba mangela. 2 Odolese o nadglednik valjani te ovel manuš kase nane so te phenel pe, valjani te ovel le samo jekh romni, te ovel le granica ko sa, te ovel razborito, te ovel organizovano, te ovel gostoljubivo hem sposobno te sikavi. 3 Na valjani te maćol ni te ovel nasilno, nego valjani te ovel razumno. Na valjani te svađini pe niti but te mangel o pare. 4 Valjani te ovel šukar poglavari ko po ćher, a o ćhave valjani te oven poslušna hem šukar te ponašinen pe. 5 Sose ako neko na đanela sar te predvodini pe porodica, sar ka brinini pe andi Devlesi skupština? 6 Na ismini te ovel manuš kova akana sigende ulo verniko, te na vazdel pe hem te na ovel osudimo isto sar o Beng. 7 Valjani te ovel ko šukar glaso hem maškaro manuša avrijal i skupština, te na lađaćeri kokri pes hem te na perel ki Bengesi zamka. 8 Isto ađahar, o sluge pomoćnikija valjani te zaslužinen averengo poštovanje. On na valjani te oven dujemujenge, te pijen but vino, te mangen pare hem te dikhen samo olenđe te ovel šukar. 9 Valjani te ićeren pe ki sveto tajna andi vera hem te ovel len čisto savest. 10 Hem najangleder valjani te oven iskušime te dićhol da li tane šukar asi odija služba. Ako nane ništa lošno so šaj te phenel pe olendar, nek ćeren odija služba. 11 Isto ađahar, o romnja valjani te zaslužinen averengo poštovanje, na isminena te klevetinen averen, nego valjani te oven verna hem te ovel len granica ko sa. 12 O sluge pomoćnikija valjani te ovel len samo jekh romni hem šukar te predvodinen pe ćhaven hem pe porodica. 13 Sose okola so šukar ćerena pi služba tane ko šukar glaso hem slobodno šaj te vaćeren averenđe andi vera ko Hrist Isus. 15 te bi, ako harinava, đaneja sar te ponašine tut ko Devleso ćher, kova tano skupština ando đivdo Devel, stubo hem oslonac ando ćaćipe.