2. Timoteju

2 e Timotejese, me mangle ćhavese: Nek o Devel, o Dad, hem amaro Gospod, o Hrist Isus dena tuće nezasluženo dobrota, o milosrđe hem o mir. 3 Zahvalno hijum e Devlese, kolese služinava hem isi man čisto savest sar hem me paradada, hem uvek pominava tut ko me usrdna molitve kola bićhalava hem diveste hem raćate. 5 Sose setinava man ki ti nelicemerno vera, savi najangleder hine la ti baba i Loida hem ti daj i Evnikija, a uverimo hijum so hem tu isi tut asavki vera. 6 Sebepi odova, podsetinava tut, e Devleso dar kova dobinđan ked ked ćhivđum me vasta upro tute, ćer le te ovel pozoralo sar ked ćereja i jag te ovel pozorali. 7 Sose o Devel na dinđa amen duh kova ćerela amen darutne, nego duh kova dela amen snaga, mangipe hem razboritost. 8 Odolese ma lađa ando svedočanstvo kotar amaro Gospod, a ma lađa ni mandar, kova hijum ko phanlipe sebepi oleso, nego ov spremno hem tu te trpine o pharipe sebepi o šukar haberi, ađahar so ka oslonine tut ki e Devlesi snaga. 13 Ko sa, o uzor nek ovel tuće o ispravno sikljovibe kova šunđan mandar, hem ićer tut ki vera hem ko mangipe kola isi len okola kola tane ko jekhipe e Hristeja e Isuseja. 14 Arakh o barvalipe kova tano dindo tuće uzali pomoć ando sveti duh kova tano ano amende. 16 Nek o Gospod mothovi milosrđe e Onisiforese ćherutnenđe, sose ov često zorjaćerđa man hem na lađandilo ando me lancija. 17 Ked hine ko Rim, trudinđa pe te arakhi man hem arakhlja man. 18 Nek o Gospod, o Jehova mothovi lese milosrđe ko odova dive. A tu šukar đaneja so sa ćerđa maje ked hijum le ko Efes.