Joilo

7 Prastana sar ratnikija. Ukljena ko zidija sar vojnikija. Svako đala pe drumoja hem na promini po drumo. 8 Jekh avere na gurinena, svako đala pravo anglal. Ako neko hem perela kotar o strele, avera na mukhena pe redija. 9 Khuvena ki diz, ripinena ko zidija. Ukljena ko ćhera, khuvena ando prozorija sar o lopovi. 12 „Odolese akana“ phenela o Jehova, „irinen tumen maje celone vileja ađahar so ka postinen hem ka roven ko sa o glaso. 20 Okole kova avela ando sever ka uspudinav dur tumendar. Ka uspudinav le ki phuv bizo pani, ađahar olesi četa anglal te ovel premalo istočno more, a i zadnjo četa premalo zapadno more. 25 Me ka irinav tumenđe sa o buća kola našalđen beršencar, kola halje tumendar o skakavcija, o skakavcija bizo phakha, o skakavcija kola našti te ćaljon hem o pohlepna skakavcija, mi bari vojska koja bićhalđum protiv tumende. 28 Palo odova ka dav mo sveti duh upro sa o vrste ando manuša, hem tegani tumare ćhave hem tumare ćhaja ka prorokujinen. Tumare phure ka dikhen sune, hem tumare terne ćhave ka ovel len vizije. 29 Čak hem ko me robovija hem ko me robinje ka bićhalav mo sveti duh ko odola dive. 32 Hem svako ko vićini e Jehovaso anav ka ovel spasimo. Sar so o Jehova phenđa, ki gora Sion hem ko Jerusalim ka oven okola so ka oven spasime, okola so preživinđe, kas o Jehova vićinđa.