Filipljanima

4 iako me, pobuter nego bilo ko aver, bi ovela man razlog te uzdajinav man ko telo. Ako bilo ko mislini so isi le razlog te uzdajini pe ko telo, me isi man pana pobuter razlogija: 7 Ama, o buća kola angleder hine maje vredna, akana sebepi o Hrist smatrinava so ništa na vredinena. 8 U stvari, sa odova nane maje vredno odobor kobor tano vredno odova te penđarav e Hriste Isuse, me Gospode. Sebepi oleso hijum le spremno sa te našalav hem ko sa odova dikhava sar đubre, samo te ovav ko jekhipe e Hristeja 11 sar bi, ako tano odova moguće, te ovav maškaro okola kola prva ka uskrsninen. 12 Na phenava so već priminđum i nagrada ja so već uljum savršeno, nego trudinava man te šaj nesar hem me te osvojinav odova sebepi sose o Hrist Isus hem man birinđa. 13 Phraljalen, me na mislinava so već osvojinđum odova. Ama jekh tano sigurno: bistrava okova soj tano palo mande hem trudinava man te dolav okova soj tano anglo mande, 14 prastava premalo cilj, te bi dobinava i nagrada, a odova tano o životi ko nebo kova o Devel ka del okolenđe kolen vićinđa prekalo Hrist Isus. 16 Ama kobor god đi akana napredujinđam, valjani hem ponodri te napredujina, te đa odole isto drumoja. 17 Phraljalen, sare tumen oven sar mande hem dikhen okolen so živinena premalo primer kova dinđam tumen.