Marko

19 Ama ov na dozvolinđa lese, nego phenđa lese: „Đa ćhere ko te rođakija, vaćer lenđe so o Jehova ćerđa tuće hem sar smilujinđa pe tuće.“ 25 Odothe hine hem jekh romni koja 12 berš krvarinđa. 26 Đelji ko but doktorija hem but patinđa. Dinđa sa so hine la, ama ništa na pomožinđa laće, nego hine laće sa pološno. 27 Oj šunđa aso Isus hem odolese ked odothe hine but manuša, oj alji lese kotar dumo hem takinđa olese šeja. 28 Oj mislinđa: „Ako samo takinava olese šeja, ka saćovav.“ 29 Ko isto odova trenutko, oj više na krvarinđa hem osetinđa so saćilji kotar po pharo nabormipe. 30 O Isus odmah osetinđa so ikljilji i sila olestar, pa irinđa pe premalo manuša hem pućlja: „Ko takinđa me šeja?“ 31 Olese učenikija odgovorinđe lese: „Dikheja li so o narodo gurini pe okolo tute, a tu pućeja: ’Ko takinđa man?‘ “ 32 Ama, ov irinđa pe te dikhel ko ćerđa odova. 33 A i romni đanđa so ulo laće, hem sebepi odova kotar dar alji hem pelji ko koćija anglo leste hem vaćerđa lese sa so hine. 34 Ov phenđa laće: „Mi ćhaj, ti vera saćarđa tut. Đa hem nek ovel tut mir ko vilo akana ked saćiljan ando to pharo nabormipe.“ 36 Ked o Isus šunđa odova, phenđa e starešinase andi sinagoga: „Ma dara, samo verujin.“ 41 Lelja e ćhaja kotar vas hem phenđa laće: „Talita kum“ so značini: „Ćhaje, tuće vaćerava, ušti!“