1. Kraljevima

5 Ko odova vreme o Adonija, e Agitako ćhavo, počminđa te vazdel pe hem te phenel: „Me ka ovav kralj!“ Lelja pese vorda e manušencar kola jašinđe e grasten hem 50 manuša kola sar stražarija prastandilje anglo oleste. 6 Oleso dad niked na ukorinđa le niti phenđa lese: „Sose ćereja odova?“ Uzo odova, ov hine but šužo hem bijandilo palo Avesalom. 7 Rodinđa savet ando Joav, e Serujako ćhavo, hem ando svešteniko o Avijatar, kola pomožinđe lese hem podržinđe le. 8 Ama o sveštenik o Sadok hem o Venaja, e Jodajeso ćhavo, sar hem o prorok Natan, o Simej, o Rej hem e Davidese hrabra ratnikija na đelje ki Adonijasi strana. 39 O sveštenik o Sadok ando šator lelja o rog e uljeja hem pomazinđa e Solomone. Palo odova trubinđe ko rog, a celo narodo počminđa ko glaso te phenel: „Nek ovel đivdo o kralj o Solomon!“ 52 A o Solomon phenđa: „Ako ovela šukar manuš, na ka falini lese ni bal ko šero. Ama ako ćerela disavo lošnipe, ka merel.“ 53 Tegani o kralj Solomon bićhalđa pe slugen te legaren le ando oltari. Ov alo hem klanisalo e kraljese e Solomonese, a o Solomon phenđa lese: „Đa tuće ćhere.“