2. Letopisa

20 Palo sa odova, ked o Josija palem ćerđa o hram, o Nehaon, o egipatsko kralj, đelo ko maribe ko Harkemis ko Eufrat. Tegani, o Josija pođinđa ko maribe protiv oleste. 21 Ov bićhalđa lese pe manušen te phenen olese: „Kraljo andi Juda, sose aljan te borine tut mancar? Na đava avdije te borinav man tuvaja, nego avere narodoja hem o Devel phenđa maje te siđarav. Pošukar tano te na suprotstavine tut e Devlese, kova tano uzo mande, te na mudari tut.“ 22 Ama o Josija na odustajinđa, već ćerđa pe soj tano neko aver hem đelo ko maribe protiv oleste. Na šunđa e Nehaonese lafija, kola alje ando Devel. Ađahar alo te borini pe ki Megidsko ravnica. 23 O strelcija pogodinđe e kralje, e Josija, hem ov phenđa pe slugenđe: „Legaren man akatar, sose but hijum ranimo.“