2. Letopisa

11 Ađahar o Solomon završinđa e Jehovaso ćher hem e kraljeso dvoro hem uspešno završinđa sa so ko po vilo manglja aso Jehovaso ćher hem poklo ćher. 12 O Jehova raćate pojavinđa pe e Solomonese hem phenđa lese: „Šunđum ti molitva hem ćerđum odova so rodinđan hem birinđum akava than te ovel maje ćher kuri ka den pe o žrtve. 16 Odolese birinđum hem posvetinđum akava ćher te šaj ano leste zauvek te slavini pe mo anav, hem akate uvek ka oven me jaćha hem mo vilo. 19 Ama ako irinena maje tumaro dumo hem ćhinavena te ićeren tumen ko me odredbe hem ko me zapovestija kola dinđum tumenđe hem ako počminena te služinen avere devlenđe hem te klaninen tumen olenđe, 20 ka cidav o Izrael andi phuv koja dinđum olenđe. Ka mukhav akava ćher kova posvetinđum me anavese hem o manuša ando avera narodija ka asan hem ka vaćeren lošno ando akava ćher. 21 Ando akava ćher ka aćhon samo o ruševine. Svako ko ka nakhel uzo oleste, ka čudini pe hem ka pućel: ’Sose o Jehova ćerđa odova ando akija phuv hem ando akava ćher?‘