Psalam

2 A me pre harićkase hine ka ciden pe ando pravo drumo, harićkase hine ka perav. 12 Aće save tano o lošna, sa đala lenđe kotar vas. Samo ćedena pese barvalipe. 13 Ćaće, uzaludno trudinđum man mo vilo te aćhol čisto hem thovđum me vasta te mothovav so hijum nedužno. 14 Po celo dive isi man pharipa, svako sabale o Devel ukorini man. 16 Ked mangljum sa odova te haljovav, odova hine maje but pharo, 17 sa đi na đeljum ko Devleso veličanstveno svetilište hem haljiljum savi budućnost ađićeri len. 18 Ćaće ćhiveja len ko klizavo than hem on ka peren hem ka oven uništime. 19 Iznenada ka avel upro lende i propast! Iznenada ka avel olengo kraj hem ka meren. 23 Ama kotar akana uvek ka ovav uzo tute, tu ićereja man kotar mo desno vas. 24 Te savetencar vodineja man, a ko krajo ka legare man ki slava. 25 Kas me isi man ko nebo osim tut? A ked tut isi man, ništa aver na valjani maje ki phuv. 26 Mo telo hem mo vilo šaj te oven slaba, ama o Devel tano stena ando mo vilo hem ov tano sa so isi man ki celo večnost. 27 Ćaće, okola kola ićerena pe podur tutar ka propadinen. Tu ka uništine svakone kova ka ovel tuće neverno hem mukhela tut. 28 A maje tano šukar te ovav paše uzo Devel. O Svevišnjo Gospod Jehova tano mo than kuri garavava man. Ka vaćerav ando sa te delija.