1. Korinćanima

12 Sar soj tano o telo jekh, a isi le but delovija, hem sa o delovija ando odova telo, iako tane but, tane jekh telo, ađahar tano hem e Hristeja. 15 Ako o pro phenela: „Na hijum vas hem odolese na hijum deo ando telo“, na značini so sebepi odova nane deo ando telo. 16 Hem ako o kan phenela: „Na hijum jakh hem odolese na hijum deo ando telo“, na značini so sebepi odova nane deo ando telo. 18 A o Devel svako deo ando telo ćhivđa ko odova than ko kova ov manglja. 21 I jakh našti te phenel e vastese: „Na valjaneja maje“, ni o šero e prenđe: „Na valjanena maje.“ 22 Naprotiv, okola delovija ando telo kola dićhona poslaba, on tane neophodna. 25 te na oven podele ko telo, nego o delovija ando telo te brininen pe jekh jekhestar. 26 Ako jekh deo ando telo tano povredimo, sa avera delovija ando telo osetinena dukh. A ako jekh deo ando telo dobini nagrada, sa avera delovija ando telo radujinena pe oleja. 28 A o Devel ki skupština ćhivđa najangleder e apostolen, palo odova e prorokonen, pa e učiteljen, onda okolen kola ćerena čudija, okolen kola isi len dar te saćaren, okolen kola pomožinena averenđe, okolen kola tane sposobna te predvodinen hem okolen so vaćerena različita ćhibja.