Isaija

6 Ki akija gora o Jehova, o Komandanti upro sa o vojske, ka spremini sa e narodonđe i gozba ando najšužo habe, ka ikali anglo lende o purano vino, ka spremini lenđe o najšužo habe maseja, ka ikali o najšužo cedimo vino. 7 Ki akija gora ov ka uništini i vala koja ućhari sa e narodon, i vala koja tani buljaćerdi upro sa o narodija. 8 Zauvek ka uništini o meribe. O Najbaro Gospod o Jehova ka kosel sa e manušenge asva. Ka cidel i lađ ando po narodo ki celo phuv, sose ađahar phenđa o Jehova. 9 Odova dive, on ka phenen: „Aće, odova tano amaro Devel! Ov tano amari nada, ov ka spasini amen. Odova tano o Jehova! Ov tano amari nada. Te radujina amen hem te veselina amen sebepi o spasenje kova avela olestar.“