Luka

12 Palo odova hem e manušese kole vićinđa le phenđa: „Ked ćereja ručko ili večera, ma vićin te amalen ni te phralen ni te rođakonen ni te barvale komšijen. Šaj hem on nekad ka vićinen tut hem ađahar ka irinen tuće. 13 Nego ked ćereja gozba, vićin e ćororen, okolen soj tane sakatija hem e kororen. 14 Ka ove bahtalo, sose on nane len sovaja te irinen tuće. Ka irini pe tuće ked ka ovel o uskrsenje ando pravedna.“ 26 „Ako neko avela koro mande, a pobuter mangela pe dade hem pe daja, pe romnja hem pe ćhaven, pe phralen hem pe phenjen, hem poklo đivdipe, našti te ovel moklo učeniko. 28 Ko tumendar, ked mangela te ćerel i kula, najangleder na bešela te računini kobor ka koštini odova hem te dikhel da li šaj te ćerel la đi o krajo? 31 Ja kova kralj ked đala ko maribe protiv aver kralj, najangleder na bešela te pućel aso savet averen te bi dikhela da li šaj 10 000 vojnikonencar te suprotstavini pe okolese kova avela upro leste 20 000 vojnikonencar? 33 Premalo odova, niko tumendar ko na odreknini pe ando sa so isi le našti te ovel mo učenik.