Rimljanima

3 Ja na đanena li so sare amen kola hijam krstime ko Hrist Isus, hijam krstime ko oleso meribe? 5 Ako hijam ko jekhipe oleja ko meribe kova tano sar oleso, ka ova ko jekhipe oleja hem ko uskrsenje kova tano sar oleso. 6 Sose đanaja so amari purani ličnost tani kovimi ko stubo zajedno oleja, te šaj amaro grešno telo te našali i vlast upro amende, te na ova više robija ando greh. 7 Sose ko mulo, oslobodimo tano ando po greh. 12 Odolese ma mukhen o greh te vladini sar kralj upro tumaro telo hem te ćhivel tumen te šunen o želje kotar tumaro telo. 17 Ama hvala e Devlese sose iako hijen le robija ando greh, vilestar ićerđen tumen ko odova so sikljiljen. 18 Odolese so hijen oslobodime ando greh, uljen robija andi pravednost. 23 Sose i plata aso greh tani o meribe, a e Devleso dar tano o večno životi prekalo Hrist Isus, amaro Gospod.