Danilo

5 O kralj phenđa e Haldejcenđe kola hine astrologija: „Ađahar odlučinđum: Ako na phenena maje so dikhljum ko suno hem so odova značini, ka ćerav tumen ko kotora, a tumare ćhera ka oven javna ćenefija. 16 O Danilo palo odova đelo ko kralj hem zamolinđa le te del le vreme te šaj te mothovi lese so značini o suno. 18 Phenđa lenđe te molinen pe e nebesko Devlese te mothovi lenđe milost hem te otkrijini lenđe odija tajna, te ne bi o Danilo hem olese amala ovena mudarde avere mudra manušencar ando Vavilon. 19 Tegani i tajna hine otkrime e Danilose ki jekh vizija prekali rat. Odolese o Danilo hvalinđa e Devle kova tano ko nebo. 21 Ov utičini upro vreme hem događaja, peravi hem ćhivela e kraljen, dela mudrost e mudro manušenđe hem đandipe e razborito manušenđe. 28 Ama postojini Devel ko nebo kova otkrijini o tajne hem ov mothovi e kraljese e Navuhodonosorese so ka ovel ko poslednja dive. Akava tano to suno hem akala tane o vizije kola hine tut đi pašljiljan ki ti postelja: 31 „Tu kraljo, dikhljan jekh baro kip. Odova kip, kova hine but baro hem but sjajinđa, terdilo anglo tute hem dićhilo but strašno. 32 O šero ando odova kip hine ando čisto zlato, o kolin hem o vasta hine ando srebro, o vođi hem o ćanga upreder o koćija hine ando bakar, 33 o ćanga teleder o koćija hine ando sastron, a o stopala hine mešime sastroneja hem glinaja. 34 Đi dikhljan, andi jekh planina odvojinđa pe jekh bar, a na pipinđe le e manušese vasta, hem khuvđa o kip ko stopala kotar sastron hem glina hem drobinđa len. 35 Tegani kotar jekhvar drobinđa pe o sastron, i glina, o bakar, o srebro hem o zlato, hem sa odova ulo sar pleva ko gumno ko nilaj, hem i bavlal sa legarđa bizo trago. A o bar kova khuvđa o kip ulo sar jekh bari planina hem pherđa celo phuv. 41 „A odova so dikhljan so o stopala hem o naja tane jekh deo andi glina, a jekh deo ando sastron značini so odova kraljevstvo ka ovel podelimo, ama jekh deo ka ovel zoralo sar sastron, sose dikhljan o sastron mešimo kovle glinaja. 42 Odova so o naja ka oven jekh deo ando sastron hem jekh deo andi glina značini so odova kraljevstvo ko isto vreme ka ovel hem zoralo hem slabo. 43 „A odova so dikhljan o sastron mešimo e kovle glinaja, značini so on ka oven mešime e manušencar, ama na ka ićeren pe zajedno, jekh jekheja, sar so ni o sastron našti te mešini pe e glinaja. 44 Ko dive ando odola kraljija, o nebesko Devel ka vazdel o kraljevstvo kova niked na ka ovel uništimo. Hem odova kraljevstvo niked na ka ovel dindo disave avere narodose. Ov ka phagel hem ka uništini sa odola kraljevstvija, a samo ov ka aćhol večno.