Psalam
36 O prestup bešela ko lošnoneso vilo hem vaćeri lese so te ćerel, ov na dikhela sose valjani te daral ando Devel. 2 Ov isi le but baro mišljenje pestar hem odolese našti te dikhel po prestup hem te mrzini le. 3 Ando oleso muj ikljona o lošna hem o hovavne lafija, nane dovoljno razborito te ćerel okova soj tano šukar. 4 Čak hem ked pašljola razmislini sar te ćerel o lošnipe. Đala drumoja kova nane šukar, na cidela pe ando lošnipe. 5 Jehova, to verno mangipe resela đi ko nebo, a ti vernost đi ko oblakija. 6 Ti pravednost tani sar o gore kola tu ćerđan, te zakonija tane sar o hor panja. Jehova, tu arakheja e manušen hem e životinjen. 7 Kobor tano šukar to verno mangipe, Devla! Talo te phakha o manuša šaj te garaven pe. 9 Sose tutar avela o životi, prekali ti svetlost amen dikhaja svetlost. 10 Nek to verno mangipe zauvek aćhola upro okola so penđarena tut hem ti pravednost upro okola soj tane iskrena.