Isaija

2 Ko birinđa okole kova avela ando istok? Ko sebepi i pravda vićinđa le koro peste te del e narodon ko olese vasta hem te del le vlast te pobedini e kraljen? Ko pe mačeja ćerela lendar praho hem pe lukoja fordela len sar pus ki bavlal? 5 Okola so živinena ko ostrvija dikhlje odova hem darandilje. Celo phuv tresinđa. O narodija ćedena pe hem avena. 8 „A tu, Izrael, hijan mo sluga. Tut Jakov me birinđum, tu aveja ando mo amal o Avraham. 10 Ma dara, sose me hijum tuvaja. Ma brinin tut, sose me hijum to Devel. Me ka zorjaćerav tut hem ka pomožinav tut, mo pravedno desno vas ka ićeri tut.‘ 11 Aće, sa kola holjanena upro tute ka oven lađaćerde hem ponizime. Okola so protivinena pe tuće ka oven uništime hem više na ka oven. 12 Ka rode okolen kola borinena pe protiv tute, ama na ka arakhe len. Okola kola marena pe protiv tute na ka postojinen, više na ka oven. 13 Sose me, o Jehova, to Devel, ićerava tut kotar to desno vas hem phenava tuće: ’Ma dara. Me ka pomožinav tut.‘ 23 Phenen amenđe so ka ovel ki budućnost, pa ka đana so tumen hijen devela. Ćeren diso, šukar ja lošno, pa ka divina amen ked ka dikha odova.