Psalam

16 Arakh man, Devla, sose koro tute šaj te garavav man. 2 Phenđum e Jehovase: „Jehova, sa o šukar buća kola isi man avena tutar. 3 A te sveta sluge kola tane ki phuv, so zaslužinena čast, ćerena man but bahtalo.“ 5 O Jehova tano sa so isi man, ov tano mo pehar. Tu arakheja mo nasledstvo. 6 Dobinđum but šužo than, bahtalo hijum sebepi mo nasledstvo. 7 Ka hvalinav e Jehova, kova savetujini man. Raćate opominena man mekle najhor mislija. 8 O Jehova tano maje uvek anglo jaćha. Ov tano ki mi desno strana, niked na ka perav. 9 Odolese radujinava man celone vileja hem celona dušaja, hem mirno živinava. 10 Sose tu na ka aćhave man ko grobo. Na ka mukhe to verno sluga te aćhol ko grobo. 11 Mothoveja maje o drumo kova legari ko životi. But hijum bahtalo ked terđovava anglo tute, ko to desno vas isi večno bahtalipe.