Psalam

3 Sose me šukar đanava me prestupija hem mo greh tano stalno anglo mande. 4 Tuće grešinđum, tuće najviše, ćerđum okova soj tano lošno anglo te jaćha. A tu hijan pravedno ked vaćereja, ti presuda tani pravedno. 5 Sar bijandiljum krivo hijum aso greh, grešno hijum ando trenutko ked mi daj aćhilji khamni. 6 Tu mangeja e manuše kase tano o ćaćipe ko vilo. Sikav mo vilo te ovel ćaće mudro. 9 Irin to šero ando me grehija, kos sa me prestupija. 10 Devla, ćer ano mande čisto vilo hem ćhiv ano mande nevo duho, zoralo duho. 11 Ma cide man tutar hem ma le mandar to sveti duh. 12 De man palem te radujinav man sebepi o spasenje kova tu deja, ćhiv ano mande i želja te šunav tut. 17 I žrtva koja o Devel prihvatini tani o phago duho. Devla, tu nane te odbacine okole soj tano phage vileja.