Isaija

5 Ka đilabav đili me manglese, i đili ando mo manglo hem ando oleso vinograd. Mo manglo hine le vinograd ko plodno brego. 2 Hanđa i phuv hem ikalđa latar o bara. Sadinđa i loli loza hem maškaral ćerđa i kula. Nadinđa pe so ka bijani šuže drakha, ama bijandilje lošna drakha. 4 So šaj hine pana te ćerav aso mo vinograd, a so pana na ćerđum? Sose bijanđa lošna drakha ked nadinđum man so ka bijani šukar drakha? 5 A akana, molinava tumen, šunen so ka ćerav me vinogradese: Ka cidav i ograda okolo leste hem ka ovel thardo. Ka phagav oleso zido ando bara hem ka ovel gazimo. 6 Ka ćerav le te ovel pusto. Niko na ka ćhinel le hem na ka hanel le. Ano leste ka barjon o kare hem o korov, a e oblakonenđe ka zapovedinav te na mukhen o boršim upro leste. 7 O vinograd ando Jehova, kova tano Komandanti upro sa o vojske, tano o izraelsko narodo, a o manuša andi Juda tane i loza koja manglja. Nadinđa pe so ka ovel pravda, ama hine nepravda, nadinđa pe so o manuša ka oven pravedna, ama šunđa sar rovena okola kola doživinđe i nepravda.“ 8 Teško okolenđe kola lena ćher palo ćher hem kola jekh njiva spojinena averaja sa đi na lena sa hem đi na aćhona kokri ki phuv! 9 Šunđum so o Jehova, o Komandanti upro sa o vojske, dinđa sovel so but ćhera, iako tane bare hem šuže, ka oven uništime hem ka aćhon bizo manuša. 20 Teško okolenđe kola e lošnipase phenena soj tano šukar, a e šukaripase phenena soj tano lošno, kola kotar tomnina ćerena svetlost, a kotar svetlost ćerena tomnina, kola kotar ćerko ćerena gudlo, a kotar gudlo ćerko!