Matej

13 Odolese vaćerava lenđe ko poređenja, sose isi len jaćha, ama na dikhena, isi len kana, ama na šunena hem na haljona. 14 Upro lende ispunini pe e Isaijaso proročanstvo, kova phenela: ’Ka šunen, ama na ka haljon hem ka ovel anglo tumare jaćha, ama na ka dikhen. 15 Sose akale manušengo vilo ulo sar bar, pa ućharena pe kana hem phanena pe jaćha te na dikhen hem te na šunen ništa, te na resel ništa đi ko olengo vilo hem te na irinen pe maje pa te saćarav len.‘ 19 Svakonese ko šunela o lafi ando Kraljevstvo, a na haljola le, avela o Lošno hem ćorela odova soj tano sejimo ko vilo. Odova tano sar ked tano o seme sejimo uzalo drumo. 20 A koro nekaste tano odova sar ked o seme tano sejimo ki phuv pherdi barencar. Ov šunela o lafi hem odmah radosno prihvatini le. 22 Koro nekaste tano odova sar ked o seme tano sejimo maškaro kare. Ov šunela o lafi, ama o brige ando akava sveto hem o zavodljivo barvalipe ugušinena le, pa ov aćhola bizo plod. 23 A koro nekaste tano odova sar ked o seme tano sejimo ki šukar phuv. Ov šunela o lafi, haljola le hem anela plod – jekh 100, dujto 60, a o trito 30 putija pobuter ando odova soj tano sejimo.“ 24 Vaćerđa lenđe pana jekh poređenje: „O nebesko Kraljevstvo šaj te uporedini pe sar o manuš kova sejinđa o šukar seme ki pikli njiva. 25 Đi o manuša suće, alo oleso dušmani, sejinđa o kukolj maškaro điv hem đelo pese. 30 Nek barjon zajedno đi i žetva, a ked ka avel o vreme asi žetva ka phenav e žeteocenđe: Ćeden najangleder o kukolj, phanen le ko snopija hem ulaven le te tharel pe, a palo odova ćeden o điv ko moklo ambari.‘“ 31 Vaćerđa lenđe pana jekh poređenje: „O nebesko Kraljevstvo šaj te uporedini pe sar o zrno andi gorušica, kova o manuš ljelja hem sejinđa ki pikli njiva. 33 Vaćerđa lenđe pana jekh poređenje: „O nebesko Kraljevstvo šaj te uporedini pe sar o kvasco, kova i romni ćhivđa ko trin bare mere varo, hem ađahar o celo humer ušljilo.“ 38 i njiva tani o sveto, o šukar seme tane o ćhave ando Kraljevstvo, o kukolj tane o ćhave ando Lošno, 40 Znači, sar so o kukolj ćedela pe hem tharela pe, ađahar ka ovel ko svršetko ando akava poretko. 41 O manušikano Ćhavo ka bićhali pe anđelen hem on ka ćeden ando oleso Kraljevstvo sa okolen kola averen ćhivena te ćeren greh hem okolen kola ćerena bezakonje, 43 Tegani o pravednikija ko pe Dadeso Kraljevstvo ka sjajinen sar o kham. Ko isi le kana nek šunel. 44 „O nebesko Kraljevstvo šaj te uporedini pe e barvalipaja kova tano garavdo ko polje, kova o manuš arakhlja hem palem garavđa le. Palo odova radosno đelo hem bikinđa sa so hine le hem ćinđa odova polje. 45 „O nebesko Kraljevstvo šaj te uporedini pe e trgovcoja kova putujini te rodel šuže biserija. 46 Ked arakhlja jekh but vredno biseri, đelo hem odmah bikninđa sa so hine le hem ćinđa le. 47 „Isto ađahar, o nebesko Kraljevstvo šaj te uporedini pe e mrežaja koja tani fordimi ko more ki koja ćedena pe razna vrste ando maćhe. 48 Ked i mreža pherđola, o ribarija ikaljena la ki obala, a palo odova bešena hem o šukar maćhe ćedena ko ćare, a o lošna fordena. 49 Ađahar ka ovel ko svršetko ando akava poretko: Ka aven o anđelija hem ka odvojinen e lošnonen ando pravedna 54 Alo ko po than hem počminđa te sikavi e manušen ki olengi sinagoga. On hine oduševime hem vaćerđe: „Kotar akale manušese odija mudrost hem moć te ćerel asavke čudija? 55 Nane li ov e tesareso ćhavo? Nane li olesi daj i Marija, a olese phralja o Jakov, o Josif, o Simon hem o Juda? 56 Hem na živinena li olese phenja akate amencar? Tegani, kotar olese sa odova?“ 57 Hem na manglje te verujinen ano leste. A o Isus phenđa lenđe: „E proroko svugde poštujinena osim ko oleso than hem ko oleso ćher.“