2. Kraljevima

15 O Jelisej phenđa lese: „Le o luk hem o strele.“ Hem ov lelja o luk hem o strele. 16 Tegani o Jelisej phenđa e izraelsko kraljese: „Le o luk ko vasta.“ Ov lelja o luk ko vasta, a o Jelisej ćhivđa pe vasta ko olese vasta. 17 Palo odova phenđa lese: „Phrav o đami premalo istok.“ Ov phravđa le. O Jelisej phenđa: „Forde i strela!“ Hem ov fordinđa la. Palo odova o Jelisej phenđa: „E Jehovasi strela andi pobeda, i strela andi pobeda upri Sirija! Ko Afek potpuno ka pobedine e Sirija.“ 18 Palo odova phenđa: „Le o strele.“ Ked o izraelsko kralj lelja o strele, o Jelisej phenđa lese: „Khuv ki phuv.“ Ov khuvđa trin putija, a palo odova više na khuvđa. 19 Tegani o sluga ando pravo Devel holjanđa upro oleste hem phenđa: „Valjanđan te khuve panđ ja šov putija! Tegani bi potpuno pobedineja e Sirija, a ađahar samo trin putija ka pobedine.“ 20 Palo odova o Jelisej mulo hem hine parumo. O čete ando moavska razbojnikija ko početko ando berš napadinena hine i phuv. 21 Jekh puti disave manuša parunđe jekhe manuše, hem tegani dikhlje e razbojnikonen hem odolese fordinđe e mulje manuše ko Jelisejeso grobo hem našlje. Ked o mulo manuš pelo ko Jelisejese kokala, odmah đivdilo hem uštilo ko pre.