Isaija
45 Ađahar vaćeri o Jehova pe pomazanikose, e Kirese, kas ićeri kotar desno vas, anglo leste te peravi e narodon, te lel o zoralipe e kraljengo, anglo leste te phravel o udara, ađahar e dizjake udara na ka oven phanle: 2 „Me ka đav anglo tute hem ka ravnonav sa o bregija. Ka phagav o bakarna udara, hem ka phagav o sastronale šipke. 9 Teško okolese kova ćhivela pe okoleja kova ćerđa le, sose ov tano samo jekh kotor ando phuvjako ćaro kova tano ki phuv avere ćarencar! Da li i glina valjani te phenel e Grnčarese: „So ćereja?“ Da li to delo valjani te phenel: „Okova kova ćerđa man nane le vasta“? 10 Teško okolese kova e dadese phenela: „Save ćhave bijanđovena tuće?“ hem e romnjaće: „So odova bijaneja?“ 11 Ađahar vaćeri o Jehova, o Sveto Devel e Izraeleso, okova kova ćerđa tut: „Da li sumnjinena ko odova so phenđum andi budućnost hem da li tumen ka zapovedinen maje so te ćerav me ćhavencar hem odoleja so ćerđum me vastencar? 12 Me ćerđum i phuv hem e manuše upro late. Me vastencar phravđum o nebo hem zapovedinava celone nebesko vojskaće.“ 18 Sose ađahar vaćeri o Jehova, o Stvoritelj ando nebo, o ćaćutno Devel, okova kova ćerđa i phuv, olako Stvoritelj, kova zorjaćerđa la hem na stvorinđa la bizo razlog, već ćerđa la ađahar te šaj o manuša te živinen upro late: „Me hijum o Jehova hem nane nijekh aver.