7. DEO
Ko hine o Isus?
O Jehova bićhalđa e Isuse ki phuv (1. Jovanova 4:9)
Ako mangaja te ugodina e Jehovase, valjani te šuna pana jekh važno osoba. But angleder so stvorinđa e Adame, o Jehova stvorinđa jekhe moćno anđele ko nebo.
Palo disavo vreme, o Jehova bićhalđa le ki phuv, kuri ki diz Vitlejem, bijanđa le jekh ćhaj koja vićinđa pe Marija. E ćhavese hine dindo anav Isus (Jovan 6:38).
Sar manuš ki phuv, o Isus ko savršeno način oponašinđa e Devlese osobine. Ov hine šukar, manglo hem hine lokho te vaćeri pe oleja. Ov hrabro sikavđa averen o ćaćipe ando Jehova.
O Isus ćerđa šukar buća, ama o manuša ipak mrzinđe le (1. Petrova 2:21-24)
O Isus saćarđa e nabormen hem uskrsninđa e mulen.
O verska vođe mrzinđe e Isuse, sose ov vaćerđa e manušenđe ando olenge hovavne sikaviba hem lošna postupkija.
O verska vođe nagovorinđe e Rimljanen te šibinen e Isuse hem te mudaren le.