14. DEO

Sar šaj te mothove so hijan verno e Jehovase?

Ov ki e Devlesi strana (1. Petrova 5:6-9)

Jekh hrišćanin na mangela te učestvujini ki hovavni religija hem ki politika

Ma učestvujin ko običaja kola premali Biblija nane ispravna. Aso odova, valjani tuće hrabrost.

Ma mešin tut ki politika, sose o vlastija avdije na podržinena e Jehova hem oleso Kraljevstvo.

Šun e Devle. Odija tani najšukar odluka (Matej 7:24, 25)

Jekh manuš avela ko sastankija hem proučini i Biblija jekhe Jehovase svedokoja

Družin tut e Jehovase svedokonencar sose on ka pomožinen tut te ove popaše e Devleja.

Hem ponodri sikljov kotar o Devel hem de sa tutar te šune olese zapovestija.

Jekh manuš ki molitva predajini po đivdipe e Jehovase hem palo odova krstini pe

Ked ka ovel tut zorali vera, valjani te predajine to đivdipe e Jehovase hem te krstine tut (Matej 28:19).

Šun e Devle. Čitin i Biblija hem puć e Jehovase svedokonen te pomožinen tut te haljove la. Primenin odova so sikljoveja sose ađahar ka živine večno (Psalam 37:29).