Soj tani e Devljesi volja?

O Devel mangela te ova bahtalje hem zauvek te živina ko raj ki Phuv!

Šaj pučeja tut: „Sar šaj odova te ovel?“ I Biblija phenela so e Devljeso Kraljevstvo ka čerel odova, hem e Devljesi volja tani sa o manuša te sikljon kotar odova Kraljevstvo hem te džanen koja tani e Devljesi namera amencar (Psalam 37:11, 29; Isaija 9:7).

O Devel mangela amendže sa najšukar.

Sar jekh šukar dad so mangela pe čhavendže sa najšukar, adžahar amaro Dad o Jehova mangela amen te ova bahtalje zauvek (Isaija 48:17, 18). Ov dindža amen po lafi so „okova ko čerela e Devljesi volja ačhola zauvek“ (1. Jovaneso 2:17).

O Devel mangela te dža ljese drumoja.

I Biblija phenela so o Jehova mangela te „sikavi amen peklje drumija“ te šaj te dža palo oljeste (Isaija 2:2, 3). Ov čedindža „narodo pe navese“ te šaj te objavinen oljesi volja ki celo Phuv (Čeriba e apostolengo 15:14).

O Devel mangela te služina oljese ko jekhipe.

Okola so služinena e Jehovase tane ko jekhipe hem čače mangena pe (Jovan 13:35). Ko avdije ki celo Phuv sikavi e manušen te služinen e Devljese ko jekhipe? Akija brošura ka pomožini tut te džane o odgovor.