1. E Devljeso mangipe ačhola večno
1. O DEVEL MANGELA TUT
„Ačhoven ko e Devljeso mangipe, dži [...] nadinena tumen ko večno dživdipe“ (Judina 21).
So tut uverini so o Devel mangela tut?
Jovan 3:16; 1. Jovanova 4:8-10; Otkrivenje 4:11
O Jehova čerdža sa so isi ki phuv te šaj amen te ova bahtalje ko dživdipe. Iako o Adam hem i Eva grešindže, o Devel na menindža piklji namera e phuvjaja. Ov dindža pe Čhave sar žrtva te šaj sa o manuša te ovel ljen prilika te živinen večno.
Psalam 65:2; Dela apostolska 5:32
O Jehova dindža amen i Biblija, o sveti duh hem i molitva sar poklon te šaj akana te pomožini amen. Ked molinaja amen oljese, ov šunela amen.
2. KED ŠUNAJA E JEHOVA UVEK KA OVEL AMEN BLAGOSLOVIJA
„Me, o Jehova, me hijum to Devel, kova sikavi tut te šukaripase“ (Isaija 48:17).
Kola blagoslovija ka ovel tut ako šuneja e Jehova?
Ponovljeni zakoni 5:28-33; 6:24
O Jehova dikhela so trudina amen te šuna lje. Ked šunaja e Jehova, tegani amaro dživdipe ovela pana pošukar akana, a ki budućnost adžičeri amen but pošukar dživdipe.
3. TU ŠAJ TE MOTHOVE E JEHOVASE SO MANGEJA LJE
„O mangipe premalo Devel značini te ičera amen ko oljese zapovestija“ (1. Jovanova 5:3).
Da li amen šaj te šuna e Devlje?
Ponovljeni zakoni 30:11; Psalam 103:14
O Jehova džanela so amen hijam nesavršena. Ov na rodela amendar te čera diso so našti.
Poslovice 27:11; Rimljanima 7:21-25
O mangipe premalo Jehova dela amen zoraljipe te šuna lje, čak ked tano amendže pharo.
Poslovice 6:16-19; Efešanima 5:17
E Devljese načelija sikavena amen ando Devljese mislija. Akala načelija šaj te oblikujinen amaro razmislibe hem čerena amaro mangipe te ovel pobaro premalo Jehova. Pomožinena amen te džana so te čera, čak ked i Biblija na vačeri odoljestar.