6. Sar te birine tiklji zabava?

1. I ZABAVA KOJA BIRINDŽAM MOTHOVI KOBOR MANGAJA E JEHOVA

„Sa čeren e Devljese ki slava“ (1. Korinćanima 10:31).

Sose valjani pažljivo te birina amari zabava?

Psalam 11:5, 7; 34:14; Rimljanima 12:9; 1. Korinćanima 6:9, 10

I zabava koja mothovi pe avdije ko filmija, ko veb-sajtija, ki televizija, ko video igrice, ko džilja ja ko avera oblikija, but putija tani nemoralno, nasilno hem demonsko.
Marko 12:30; Rimljanima 12:1, 2

I zabava šaj te čerel te osetina amen pošukar ja šaj te čerel te ovel amendže popharo te ačhova verna e Jehovase.
Jeremija 17:9; Galatima 6:7

Amari zabava but utičini upro amende.

„Trudinen tumen te haljon soj tani e Jehovasi volja“ (Efešanima 5:17).

Kola biblijake načelija šaj te pomožinen amen te ana šukar odluke ked birinaja amari zabava?

Psalam 16:8; Poslovice 6:16-19; Galatima 5:19-21

Amen valjani te mrzina o buča kola o Jehova mrzini, sar soj tane o nasilje, o demonizam hem o nemoral.
Psalam 19:14; Filipljanima 4:8

Ked amari godi pheraja šukar bučencar hem hor razmislinaja oljendar, amen odoljeja ugodinaja e Jehovase.
Matej 6:33; Efešanima 5:15, 16

Valjani te pazina kobor vreme džala amendže ki zabava. I najvažno buti ko amaro dživdipe, valjani te ovel te služina e Jehovase.

„Nijekh ma te rodel piklji korist, nego i korist averengi“ (1. Korinćanima 10:24).

Sose valjani te ovel amendže važno sar amari zabava utičini ko avera?

Propovednik 7:16; Rimljanima 2:21

I zabava koja jekh hrišćanin birini šaj na ka ovel isto sar averesi. Umesto te dikha so avera birindže, valjani te ova sigurna so amen šukar birindžam amari zabava.
Galatima 6:5; Filipljanima 4:5

Ki amari zabava utičini amari savest, ama nane svakonesi savest isto.
1. Korinćanima 10:32; Filipljanima 1:10

Amen pažljivo birinaja amari zabava sose na mangaja te spotaknina amare phraljen hem phenjen.