17. Ačhov ko e Devljeso mangipe

1. ZORJAČER TI VERA HEM PONODRI

„Izgradinen tumen ki tumari najsvetijo vera“ (Judina 20).

So šaj te pomožini amen te barjačera amari vera?

Efešanima 6:11; Jakovljeva 1:25; 1. Petrova 5:8

Razmislin sar odova so šuneja e Jehova šaj te zaštitini tut hem te pomožini tut te ovel tut pošukar dživdipe.
Matej 28:19, 20; 1. Solunjanima 5:17; Jevrejima 10:24, 25

Te šaj te zorjačera amari vera, amen valjani redovno te molina amen, te vačera averencar ando Jehova hem te družina amen amare phraljencar hem e phenjencar.
Psalam 55:22; Isaija 48:17, 18

O Jehova niked na ka mukhel tut. Ako šuneja lje, ka ovel tut mir.

„Te napredujina premali zrelost“ (Jevrejima 6:1).

So značini te ove zrelo hrišćanin?

Rimljanima 8:5; Jevrejima 5:14

Valjani vreme hem trud te šaj te ove zrelo. Jekh zrelo hrišćanin dela sa pestar te dikhel ko buča sar so o Jehova dikhela hem anela mudra odluke.
Poslovice 27:11; Jakovljeva 1:2, 3

Ked isi amen pharipa amen šaj te zorjačera amari vera hem te mothova amaro mangipe premalo Jehova.
Poslovice 3:5, 6; Jakovljeva 1:5

Ked valjani te ane i odluka, razmislin so o Jehova mangela te čere hem molin tut oljese te pomožini tut.
2. Korinćanima 13:5

Uvek sikljov ando Jehova hem zorjačer toklo odnos oljeja.

„Te čhiva i kaciga – i nada ko spasenje“ (1. Solunjanima 5:8).

Sar i nada šaj te zaštitini amen?

Jevrejima 12:2

I nada asi budućnost isi la bari moć. Razmislin sar i nada pomožindža e Isusese te izdržini o pharipa kola hine lje.
Filipljanima 4:6, 7

Ako osetineja so ti nada našaldžola, tegani molin tut. O sumnje hem o negativno razmislibe šaj te peraven tut. Ama, o Jehova ka del tut hrabrost hem mir ki godi.
Malahija 3:10; Rimljanima 8:21

Redovno razmislin andi ti nada ki budućnost. Šaj samo te zamisline savo ka ovel o dživdipe ko nevo sveto.
Psalam 37:4; Judina 21

O Jehova mangela te pendžare lje sar teklje najšukar Amalje. Čer sa so šaj te šune lje hem te ove sa popaše oljeja svako dive.