Sar te koristine akija brošura?
Rode te sikljove nekasa. Puć e osoba koja dinđa tut akija brošura te proučini tuvaja ja pher o formulari ko amaro sajt jw.org te šaj neko te posetini tut.
KO POČETAK
Čitin svako odlomko, o pućiba kola tane pisime pokale slovencar (1) hem o stihija (2) kola istakninena o glavna mislija. Zapazin so uzo disave stihija isi oznaka „čitinen.“
KI SREDINA
O prva rečenice (3) teleder o deo Sikljov pobuter vaćerena amenđe sostar ka vaćeri pe. O podnaslovija (4) istakninena o glavna tačke. Čitin o stihija, odgovorin ko pućiba hem dikh svako video (5).
Dikh o slike hem o tekst uzo lende (6) hem razmislin so bi odgovorineja ko deo Ako neko phenela (7).
KO KRAJO
Sar zaključak andi lekcija isi amen deo So sikljiljam hem Te ponovina (8). Pisin o datum ked završinđan i lekcija. Ko deo Ćhiv tuće cilj (9) šaj te arakhe diso ko so šaj te ćere. Ko deo Rode pobuter (10) ka arakhe pana disave buća kola šaj te čitine ja te dikhe.
Sar te arakhe o stihija ko e Devleso Lafi, i Biblija?
Prvo valjani te arakhe i knjiga andi Biblija (1), palo odova o poglavlje (2) hem ko krajo o stih (3). Na primer, Jovan 17:3 odnosini pe ki knjiga Jovan, 17. poglavlje, 3. stih.